काठमाडौं । अखिल नेपाल खेलकुद महासंघ अन्तर्गत अखिल नेपाल उशु महासंघको राष्ट्रिय प्रथम भेला सम्पन्न भएको छ । भेलाले नवराज ढुंगाना (बिस्वास)को अध्यक्षतामा ३५ सदस्यीय नयाँ कार्यसमिति गठन गरेको छ ।
नवगठित समितिको वरिष्ठ उपाध्यक्षमा भोलेन्द्र बानियाँ निर्वाचित भएका छन् भने उपाध्यक्षमा गोपाल सुनार र दूधराज तामाङ चयन भएका छन्। त्यस्तै, महासंघको सचिवमा अष्टमान नगरकोटी, सह–सचिवमा दिवाकर तामाङ र रबि गोले, कोषाध्यक्षमा तिर्थराज तामाङले जिम्मेवारी पाएका छन्।
नवनिर्वाचित अध्यक्ष नवराज ढुंगाना (बिस्वास)ले खेल क्षेत्रको विकास, विस्तार र संस्थागत सुदृढीकरणलाई आफ्नो कार्यकालको प्रमुख एजेण्डा बनाउने प्रतिबद्धता व्यक्त गरेका छन्।
यसै अवसरमा सम्पूर्ण पदाधिकारी र सदस्यहरूलाई विभिन्न संघसंस्था सहित खेलकुद प्रेमीहरूले बधाइ तथा सफलताको शुभकामना व्यक्त गरेका थिए।